Case se pode dicír que estes pasos que nos axudan a non mollarnos en ríos, regatos, e neste caso, en charcas, son intemporais, sinxelos e tremendamente eficientes. Nunha zona enlamagada no verán e enchoupada no inverno surxen da terra estas pedras colocadas nun tempo perdido, onde os mouros movían montañas e e pedra como quen come. Disque o pai da Raíña Moura colocou el só todas e cada unha das poldras e que a filla se encargou de facer un xardín arredor da charca. E a fe que o lugar é moi estimulante e rico en variedade biolóxica.
